Pages

6 Feb 2012

VLC மீடியா பிளேயர் VLC 2.0.0 RC1 தரவிறக்கம் செய்ய


கணினியில் Windows Media Player நிறுவப்பட்டிருக்கும் போதிலும் வீடியோ, audio-க்களை இயக்குவதற்கு அதிகமானோர் பயன்படுத்தப்படும் மென்பொருள் VLC Media Player ஆகும்.
Windows Media Player-ல் நிறைய வீடியோ format-களை பார்க்க முடியாது. ஆனால் VLC Media Player-ல் அதிகளவு வீடியோ, audio format-களை இயக்க முடியும்.
இப்பொழுது மேலும் பல வசதிகளுள் VLC 2.0.0 RC1 அறிமுகப்படுத்தப்பட்டுள்ளது. எனவே பழைய பதிப்பை பயன்படுத்துபவர்கள் இப்பொழுது இந்த புதிய பதிப்பை நிறுவி அதன் பயன்களை பெறலாம்.
இதில் இயக்கக்கூடிய வீடியோ formats
MPEG-1/2,
DIVX (1/2/3),
MPEG-4 ASP, DivX 4/5/6, XviD, 3ivX D4
H.261,
H.263 / H.263i,
H.264 / MPEG-4 AVC,
Cinepak,
Theora
Dirac / VC-2
MJPEG (A/B)
WMV 1/2
WMV 3 / WMV-9 / VC-1
Sorenson 1/3 (Quicktime)
DV (Digital Video)
On2 VP3/VP5/VP6
Indeo Video v3 (IV32)
Indeo Video 4/5 (IV41, IV51)
Real Video 1/2, Real Video 3/4
இதில் இயக்கக்கூடிய audio formats 
MPEG Layer 1/2
MP3 – MPEG Layer 3
AAC – MPEG-4 part3
Vorbis
AC3 – A/52 (Dolby Digital)
E-AC-3 (Dolby Digital Plus)
MLP / TrueHD”>3
DTS
WMA 1/2
WMA 3 1
FLAC
ALAC
Speex
Musepack / MPC
ATRAC 3
Wavpack
Mod (.s3m, .it, .mod)
TrueAudio (TTA)
APE (Monkey Audio)
Real Audio 2
Alaw/µlaw
AMR (3GPP)
MIDI 3
LPCM
ADPCM
QCELP
DV Audio
QDM2/QDMC (QuickTime)
MACE
இதனை பதிவிறக்கம் செய்ய - http://www.softpedia.com/get/Multimedia/Video/Video-Players/VideoLAN-Client.shtml

5 Feb 2012

உணவுப் பண்டங்களைத் தயாரித்து விற்பனை செய்யும் சிறைக் கைதிகள்


இந்திய மாநிலமான கேரளாவில் உள்ள சிறைச்சாலைகளில் கைதிகள் உணவுப் பண்டங்களை தயாரித்து வெளியில் விற்பனை செய்து வருகின்றனர்.
கேரளா தலைநகர் திருவனந்தபுரத்தில் உள்ள பூஜப்புரா மத்திய சிறைச்சாலை மற்றும் திருச்சூரில் உள்ள வையூர் மத்திய சிறைச்சாலை மற்றும் கோழிக்கோடு மாவட்ட சிறைச் சாலைகளில் உள்ள சிறைக் கைதிகள் சப்பாத்தி, கோழிக்கறி, வெஜிடபிள் குருமா ஆகியவற்றை தயாரித்து வெளியில் விற்பனை செய்கின்றனர்.
சப்பாத்தி தயாரிப்பில் பெரும்பாலும் ஆயுள் தண்டனை கைதிகள் ஈடுபடுத்தப்படுவதாக சிறை அதிகாரிகள் தெரிவித்துள்ளனர். இதற்காக பூஜப்புரா சிறையில் ரூ.5 கோடி செலவில் சப்பாத்தி செய்ய பயன்படும் இரண்டு இயந்திரங்கள் வாங்கப்பட்டுள்ளதாக சிறை கண்காணிப்பாளர் பி.பிரதீப் கூறியுள்ளார்.
இங்கு தினமும் 40,000 சப்பாத்திகள், 3,500 கோழிக்கறி parcels மற்றும் 500 வெஜிடபிள் குருமா parcels  தயார் செய்யப்படுகிறது.

இந்த உணவுப்பண்டங்களை தயாரித்து வெளியில் 3 இடங்களில் வைத்து விற்பனை நடைபெறுகிறது. 5 சப்பாத்திகள் மற்றும் கோழிக்கறி ரூ.25க்கும், 5 சப்பாத்திகள் மற்றும் வெஜிடபிள் குருமா ரூ.20க்கும்(இந்திய ரூபாய்) விற்பனை செய்யப்படுகிறது. இந்த உணவை ஏராளமான பொதுமக்கள் வரிசையில் நின்று வாங்கிச் செல்கின்றனர்.
இந்த தொழிலில் பெரும்பாலும் சிறை வளாகத்தில் விளைவிக்கப்படும் காய்கறிகளே உபயோகப்படுத்தப்படுகின்றது. அரசு அங்காடிகளில் இருந்து தேவைக்கு காய்கறிகள் மற்றும் சமையலுக்கு தேவையான பொருட்கள் வாங்கப்படுகின்றது.
இது தவிர, முன்பதிவின் பெயரில் மொத்தமாகவும் உணவுப் பொருட்களை செய்து கொடுக்கின்றனர். இந்த முயற்சி விரைவில் பெண்கள் சிறையிலும் பின்பற்றப்படும் என்றும் பெண்கள் சார்பில் இட்லி, சாம்பார், சட்னி செய்ய ஏற்பாடு செய்யப்படும் எனவும் சிறை கண்காணிப்பாளர் பி.பிரதீப் கூறியுள்ளார்.
இதுதொடர்பாக நடைபெற்ற நிகழ்ச்சியில் இயக்குனர் சேரன் மற்றும் தாமிரபரணி படத்தின் கதாநாயகி பானு மற்றும் மலையாள திரைநடிகர்கள் கலந்து கொண்டனர்.


3G Tablet


கோபியன் நிறுவனத்தின் துணை நிறுவனமான மெர்க்குரி Mercury mTab Neo என்ற புதிய டேப்லெட்டை களமிறக்குகிறது. இந்த நியோ டேப்லெட் 3ஜி வசதி கொண்டது.
இந்த நியோ  டேப்லெட் 7 inch multi touch displayவசதியும், 1 GHz Dual Core Processor4ஜிபி Internal Memory, 32 ஜிபி வரை விரிவுபடுத்தக்கூடிய அளவிற்கு External மெமரியையும் கொண்டிருக்கிறது. அதற்கான micro SD card இதில் உண்டு.
இந்த நியோ டேப்லெட் 2 கேமராக்களைக் கொண்டுள்ளது. அதாவது 2 MB  ரியர் கேமராவையும் மற்றும் 0.3 Mega Pixel resolution கொண்ட முகப்புக் கேமராவையும் கொண்டுள்ளது. இதன் பேட்டரி 4000 mh ஆகும்.
இந்த நியோ டேப்லெட் மற்ற டேப்லெட்டுகளை விட இது சற்று தடிமனாக இருக்கும். ஆனால் இதை மிக எளிதாக வெளியில் எடுத்துச் செல்ல முடியும். இந்த டேப்லெட்டின் கீழ் பகுதியில் 4 touch sensitive buttons உள்ளன. அதுபோல் வீடியோ காலிங் கேமரா திரைக்கு மேல் நடுவில் உள்ளது.
இந்த நியோ டேப்லெட்டின் HD display பளிச்சென்று இருக்கும். Media சார்ந்த அப்ளிகேசன்களை இந்த டேப்லெட்டில் மிக வேகமாக இயக்க முடியும்.
இந்த புதிய நியோ டேப்லெட் 3ஜி நெட்வொர்க் மற்றும் சிம் சப்போர்ட்டையும் வழங்குகிறது. அதனால் இதை ஒரு சாதாரண மொபைல் போன் போன்றும் பயன்படுத்தலாம். இதன் 3ஜி நெட்வொர்க் வசதி தகவல் பரிமாற்றத்திற்கும் மிகவும் ஏதுவாக இருக்கும்.
இந்த நியோ டேப்லெட்டின் விலை ரூ.16,000 ஆகும். மேலும் இது 1 வருடம் உத்திரவாதத்துடன் வருகிறது.

4 Feb 2012

உலகின் மோசமான பாதையில் பள்ளி செல்லும் மாணவர்கள்


உலகிலுள்ள மோசமான ஆபத்து நிறைந்த பாதையாகவே இந்தப் பாதை காட்சியளிக்கின்றது. தைரியமான மாணவர்கள் மட்டும் தான் கல்வி கற்பதற்கு இத்தகைய பாலங்கள் மூலம் செல்லலாம்.

கயிறு மற்றும் மரச் சீற்றுக்களைக் கொண்டு கட்டப்பட்ட இந்தப் பாலத்தின் இன்றைய நிலையும் அதில் பயணம் செய்யும் மாணவர்களையுமே படங்களில் பார்க்கின்றீர்கள்.

பிலிப்பைன்ஸ் நாட்டின் Ciberang river in Lebak என்ற இடத்தில் தான் மேற்படி பாலம் அமைக்கப்படுள்ளது.
தற்போது வெள்ளம் ஒன்று வந்து அடித்துச் சென்றதினால் தான் பாலம் வித்தியாசமான வடிவத்துக்கு மாறியுள்ளது.

Twitter-ன் அதிரடி முடிவு


சமூக வலைத் தளங்களில் புகழ்பெற்ற Twitter நிறுவனம். நாடுகளுக்கு ஏற்றாற்போன்ற தணிக்கை முறையைப் பின்பற்றப் போவதாக அறிவித்துள்ளதையடுத்து அந்த சமூக வலைத் தளத்தைப் புறக்கணிக்கப் போவதாக மக்கள் கொந்தளித்துள்ளனர்.
இந்தியாவில் ஐக்கிய முற்போக்குக் கூட்டணி தலைவர் சோனியாவைப் பற்றி கிண்டலான செய்தி, இணையதளம் ஒன்றில் வெளிவந்தது. இதையடுத்து Yahoo, Google உள்ளிட்ட இணைய நிறுவனங்களும், Facebook உள்ளிட்ட சமூக வலைத் தளங்களும், தங்களுக்கு வரும் செய்திகளை இந்திய சட்டப்படி தணிக்கைக்கு உட்படுத்த வேண்டும் என, மத்திய அரசு உத்தரவிட்டது.
ஆனால் இந்த முயற்சி எழுத்து சுதந்திரத்துக்கு விடுக்கப்படும் சவால் என பலர் கொதித்தெழுந்தனர். இறுதியில் Google உள்ளிட்ட நிறுவனங்கள் அத்தகைய தணிக்கைக்கு சாத்தியமே இல்லை எனத் திட்டவட்டமாகத் தெரிவித்தன.
இவ்விவகாரத்தில் புதிய திருப்பமாக Twitter நிறுவனம் நேற்று முன்தினம் விடுத்த அறிக்கையில் அந்தந்த நாடுகளின் சட்டங்களுக்கு உட்பட்டு செய்திகளைத் தணிக்கை செய்யப் போவதாக அறிவித்தது.
மேலும் தணிக்கை செய்யப்பட்டதற்கான காரணம் அந்தந்த நாட்டு அரசுகள், நிறுவனங்கள் மற்றும் தனி நபர்களின் தணிக்கைக் கோரிக்கைகள் ஆகியவற்றையும் வெளியிடப் போவதாக தெரிவித்துள்ளது.
இந்த அறிவிப்பு இணைய உலகில் பெரும் சர்ச்சையைக் கிளப்பியுள்ளது. அதே நேரம் Twitter பயன்படுத்துவோர் மத்தியில் பெரும் கொந்தளிப்பையும் உருவாக்கியுள்ளது.இதையடுத்து அவர்கள் Twitter-ன் இந்த திட்டத்தைப் புறக்கணிக்கப் போவதாக அறிவித்துள்ளனர்.
சீனாவின் பிரபல ஓவியர் அய் வெய் வெய் தெரிவித்த Tweet-ல், இத்திட்டத்தைச் செயல்படுத்தினால் நான் இனி Tweet பண்ண மாட்டேன்’ எனத் தெரிவித்து உள்ளார். நீண்ட காலமாக சீனாவில் Twitter தடை செய்யப்பட்டுள்ளது. அதை சமாளிக்கும் வகையில் இத்திட்டத்தை அந்நிறுவனம் கையில் எடுத்துள்ளதாகக் குற்றச்சாட்டுகள் எழுந்துள்ளன.

3 Feb 2012

இரத்தம் இல்லாமல் பிறந்து உயிருடன் மீண்ட அதிசய குழந்தை


இறப்பிலிருந்து மீண்ட அதிசய குழந்தை பற்றிய செய்தியே இது... Oliver Morgan என்ற இந்தக் குழந்தை பிறக்கும் போது அதன் உடலில் இரத்தம் எதுவும் இல்லை என்ற மருத்துவ அதிசய உண்மை தெரிய வந்துள்ளது.
குழந்தை பிறக்கும் போது வெளிறிய நிறத்தில் தான் இருந்தது.

குழந்தை பிறந்த போது முதல் 25 நிமிடங்களுக்குள் இருதயத் துடிப்பைக் கண்டறிய முடியவில்லை என்று மருத்துவர்கள் ஆச்சரியத்துடன் தெரிவித்துள்ளனர்.

உடனடியாக குழந்தைக்கு மென்மையான இருதய மசாஜ் உடன் ஒட்சிசன் சுவாசமும் வழங்கப்பட்டு உயிரைக்காக்கும் வழிமுறையாக தொப்புள் கொடி மூலம் இரத்தமும் ஏற்றப்பட்டது.

குழந்தையைப் பாதுகாக்க மருத்துவர்கள் கனமான இருதயத்துடனும் கண்ணீருடனும் போராடினர்.
Oliver தற்சமயம் மிகவும் மகிழ்ச்சியாக விளையாடிக்கொண்டிருக்கிறான். இப்பொழுது குழந்தைக்கு 15 மாதங்கள் ஆகின்றது. அம்மாவான Katy உம் அப்பாவான Jeff உம் மிகவும் மகிழ்ச்சியாக உள்ளனர்.

குழந்தை உயிருடன் தப்பித்திருப்பது பற்றி 36 வயதான தாயாரான Katy கருத்துத் தெரிவிக்கையில்,
Oliver பிறந்த கதையைச் சொல்ல இப்பொழுதும் எனக்கு அதிர்ச்சியாக உள்ளது. ரத்தமே இல்லாமல் தான் பிறந்தான். ஆனால் தற்போது என் முன் சிரித்துக் கொண்டு உட்கார்ந்து இருக்கிறான். மருத்துவர்களால் மீளக் கொடுக்கப்பட்ட அற்புத பரிசாகவே நான் அவனைப் பார்க்கிறேன்.அவன் என்னைத் திரும்பிப் பார்க்கையில் நம்புவதற்கு கடினமாக உள்ளது என்றார்.

ஹிட்டார் வாசிப்பதில் அசத்திய Britain சிறுமி


எட்டே வயதான Britain  சிறுமியின் அசத்திய ஹிட்டார் வாசிக்கும் திறமையினை இங்கே பாருங்கள்.
குறித்த சிறுமி தனது திறமையினால் உலகம் முழுவதும் ஏராளமான ரசிகர்களைக் கவர்ந்துள்ளார்.

வேகமாகவும் இனிமையாகவும் ஹிட்டார் வாசிக்கும் இந்தச் சிறுமியின் வீடியோவை Youtube இல் பார்த்தவர்களின் தொகை மட்டும் பத்து இலட்சத்தை எட்டுகின்றது.இந்தச் சிறுமிக்கான ஆதரவு உலகம் முழுவதிலும் இருந்து பல்கிப் பெருகி வருகின்றமை குறிப்பிடத்தக்கது.



உலகின் மிகப்பெரிய இறால் இனம் கண்டுபிடிக்கப்பட்டுள்ளது

உலகின் மிகப் பெரிய இறால் இனம் கண்டுபிடிக்கப்பட்டுள்ளது. 11 இஞ்சிகள் நீளமான குறித்த இறால் இனம் ஆழமான கடற்பகுதியில் தான் கண்டு பிடிக்கப்பட்டுள்ளது.

Supergiant என்று அழைக்கப்படும் குறித்த இனம் நியூசிலாந்தின் கடற்பிரதேசத்தில் இருந்து நான்கு மைல்கள் தொலைவில் தான் கண்டுபிடிக்கப்பட்டுள்ளது. பொதுவாக 0.8in-1.2in நீளமுள்ளதாக குறித்த இறால் இனம் காணப்படுகின்றது.

இறாலில் இருந்து பத்து மடங்கு பெரியதான இந்த இறால் இனத்தை Aberdeen பல்கலைக்கழக ஆராய்ச்சிப் பிரிவினரே கண்டுபிடித்துள்ளனர்.
advanced camera-க்களின் உதவியுடன் தான் குறித்த இறால் இனம் படமாக்கப்பட்டுள்ளதாக ஆராய்ச்சியாளர்கள் தெரிவித்துள்ளனர்.

2 Feb 2012

ரோபோ குழந்தை


மனிதன் தனது வேலைகளை சுலபமாக்குவதற்கு தனக்கு நிகரான இயந்திரங்களை உருவாக்கி வருகின்றான். அவற்றுள் ஒரு அம்சம்தான் ரோபோ எனப்படும் இயந்திர மனிதன். இவ்வாறு பலவிதமான ரோபோக்களை உருவாக்கியதன் பின் இப்பொழுது குழந்தை ரோபோவையும் உருவாக்கியுள்ளனர்.

Britainச் சேர்ந்த க்ரிஸ் கிளார்க் என்பரால் உருவாக்கப்பட்ட இக்குழந்தை ரோபோவானது உண்மையான குழந்தையைப் ​போன்று அசைவுகளை இயல்பாகவே மேற்கொள்ளுகின்றது. அவ்வாறு மேற்கொள்ளும் அசைவுகளை காணொளியில் காணலாம்.


சிலிர்க்க வைக்கும் பாம்பு மசாஜ்


இதுவரை பல விதமான மசாஜ்களைப் பார்த்திருக்கின்றோம்.. இங்கே புதியதொரு மசாஜ் வித்தைகளைப் பார்க்கப் போகின்றோம். இஸ்ரேல் நாட்டில் உள்ள மசாஜ் செய்யும் அழகுக் கலை நிலையம் ஒன்று தங்களது வாடிக்கையாளர்களுக்கு புது விதமான சேவை ஒன்றை வழங்கியுள்ளது.

அமேசன் காடுகளில் பிடிக்கப்பட்டு பழக்கப்பட்ட பாம்புகளைக் கொண்டு மசாஜ் செய்யும் முறையே அது.
பாம்புகளை மனிதனின் முதுகுப்பகுதி, தலைப்பகுதி, கழுத்துப்பகுதி, கால் போன்றவற்றில் ஊர விட்டு ஒரு விதமான புல்லரிக்கும் மசாஜ் இங்கே செய்யப்படுகின்றது.

இந்த மசாஜ் சேவைகளுக்கு வெறும் 80 டொலர்கள் தான் கட்டணமாக வசூலிக்கப்படுகின்றது.
இந்த மசாஜ் செய்வதால் மன அழுத்தங்கள் வெகுவாகக் குறைக்கப்படுகின்றதாம்.


1 Feb 2012

Malware-ல் இருந்து கணினியை பாதுகாக்க


Malware எனப்படுவது ஒரு வகை கணினி Virus ஆகும். இது  கணினியில் உள்ள தகவல்களை மற்றயவர்களுக்கு அனுப்பிக் கொண்டிருக்கும். இதனால் கணினியின் வேகம் குறைவடையும் இணையத்தின் வேகமும் குறைவடையும். உங்கள் கணினியில் Malware உள்ளதா என அறிய. உங்கள் கணினியை முதலில் Shutdown செய்யவும். பின்னர்  கணினியை On செயது F8 கீயை அழுத்தவும். அதில் கீழ் உள்ளவாறு தோண்றும். அதில் இரண்டாவதாக காணப்படும் Safe Mode with Networking என்பதை தெரிவு செய்து Enter கீயை அழுத்தவும்.


பின்னர் உங்கள் கணினியானது On ஆகியதும் இணையத்தில் உலாவும் போது முதல் இருப்பதை விட வேகமாக இயங்குகிறது என உணர்வீர்களானால் உங்கள் கணினி malware பாதிப்புக்கு உட்பட்டுள்ளது எனலாம். சரி இனி எப்படியான malware தடுப்பு மென்பொருளை பயன்படுத்துவது என்ற சந்தேகம் வரும்.

Malwarebytes‘ Anti-Malware எனப்படும் மென்பொருளை பாவித்து முற்றாக நீக்க முடியும். இதனை விலை கொடுத்து வாங்க வேண்டிய அவசியம இல்லை. மென்பொருளை பதிவிறக்க http://download.cnet.com/Malwarebytes-Anti-Malware/3000-8022_4-10804572.html

மடிக்கணினிகளில் ஏற்படும் வெப்பம்










மடிக்கணினிகளில் ஏற்படும் வெப்பம் குறித்த கவலை இவற்றைப் பயன்படுத்துவோரிடையே அதிகரித்து வருகிறது. மடிக்கணினியின் பயன்பாடு அதிகரிப்பினால் இந்த கவலைக்கான காரணங்களையும், தீர்வுகளையும் பலரும் கண்டறிந்து வருகின்றனர்.
சில இடங்களில் மடிக்கணினிகள் கூடுதல் வெப்பத்தினால் தீ பிடித்த தகவல்களும் மக்களை அதிர்ச்சி அடையச் செய்தன. Dell, Sony, Acer போன்ற நிறுவனங்கள் தாங்கள் விற்பனை செய்த மடிக்கணினிகளில் உள்ள battery அதிக வெப்பத்தை விரைவில் அடைந்ததனால் அவற்றை வாங்கிக் கொண்டு புதிய battery-களைத் தந்த நிகழ்வுகளும் ஏற்பட்டன.
மோசமான battery-களைத் தவிர்த்து மடிக்கணினிகள் வெப்பம் அதிகமாக வெளிப்படுத்துவதற்கு வேறு சில காரணங்களும் உள்ளன. நாம் பயன்படுத்தும் அனைத்து எலக்ட்ரானிக் பொருட்களுமே அவை இயங்கத் தொடங்கியவுடன் வெப்பத்தை வெளியிடுகின்றன.
Desktop கணினிகளைக் காட்டிலும் மடிக்கணினிகள் இடம் மிகக் குறைவு. இதனால் அதில் வைக்கப்பட்டுள்ள வெப்பத்தை வெளிப்படுத்தும் எலக்ட்ரானிக் பொருட்கள் சிறிய இடத்தில் நெருக்கமாக வைக்கப்பட வேண்டிய சூழ்நிலையில் அமைகின்றன. நெருக்கமாக இருப்பதனால் இவற்றிலிருந்து வெளிப்படும் வெப்பம் வெளியேற மிகக் குறைந்த இடமே கிடைக்கிறது.
அடுத்த பிரச்னை இயக்க திறன். மடிக்கணினிகளில் அதிக வேகத்தில் இயங்கும் கூடுதல் திறன் கொண்ட எலக்ட்ரானிக் பொருட்கள் பொருத்தப்படுகின்றன. பதியப்படும் இயங்குதளங்களும் அவை வேகமாக இயங்க இந்த எலக்ட்ரானிக் பொருட்களை கூடுதலாக இயக்குகின்றன. இதனால் அதிக வெப்பம் உருவாகிறது.
மடிக்கணினிகள் தயாரிக்கும் நிறுவனங்களுக்கும் இது தெரியும். அதனால் தான் வெப்பத்தினை வெளியேற்றும் வகையில் சிறிய விசிறிகள், ஹீட் ஸிங்க் எனப்படும் தகடுகளைப் பயன்படுத்துகின்றனர்.
ஆனால் இவற்றால் முழுமையாக வெப்பத்தினை வெளியேற்ற முடியவில்லை. விசிறிகள் காலப் போக்கில் வேகம் குறைந்து இயங்குவதால் வெப்பம் வெளியாவதில் பிரச்னை ஏற்படுகிறது.
பொதுவாக மடிக்கணணியில் வன்தட்டில் பிரச்னை ஏற்பட இந்த வெப்பம் அடிப்படை காரணமாக உள்ளது. எனவே இந்த வெப்பத்தினை வெளியேற்றுவதிலும் அதனை குளிரவைப்பதிலும் கவனம் செலுத்தினால் பல பிரச்னைகள் ஏற்படுவதனை முன்கூட்டியே தடுக்கலாம்.
விசிறிகள் சோதனை: மடிக்கணினியில் வெப்பம் உருவாகிறது என்று தெரிந்தால் உடனே திறந்து இயக்கத்தின் போது அதில் பொருத்தப்பட்டிருக்கும் அனைத்து விசிறிகளும் சரியாக அதன் அதிக பட்ச வேகத்தில் இயங்குகின்றனவா எனச் சோதிக்க வேண்டும். பெரும்பாலும் இவற்றை நாம் திறந்து பார்க்க இயலாது.
காற்று துளைகளின் சுத்தம்: வெப்பம் வெளியேறுவதற்காக அமைக்கப்பட்டிருக் கும் காற்று துளைகளை அடிக்கடி கவனிக்க வேண்டும். இவற்றில் தூசு படிந்து அடைத்துக் கொண்டிருந்தால், வெப்பம் விரைவாக வெளியேற்றப்பட மாட்டாது. எனவே சுத்தம் செய்வது அவசியம்.
BIOS சோதனை: நம் BIOS settings மாற்றி அமைப்பதன் மூலம் வெப்பம் உருவாவதனை அறியலாம். இந்த அமைப்பு எப்படி இருக்க வேண்டும் அல்லது எப்படி இதனை மாற்றலாம் என்பதற்கு உங்கள் மடிக்கணணி தயரித்த நிறுவனத்தின் இணைய தளம் சென்று பார்க்கவும். சில நிறுவனங்கள் இந்த BIOS அமைப்பினையும் update செய்து புரோகிராம்களை வெளியிட்டி ருப்பார்கள்.
பொதுவான சில பழக்கவழக்கங்களையும் நாம் மேற்கொண்டால் வெப்பம் உருவாவதனைத் தடுக்கலாம்.
வெப்பமான, சூரிய ஒளிபடும் இடத்தில் வைத்து மடிக்கணினியை இயக்கக்கூடாது. அதே போல மூடப்பட்ட கார், சிறிய அறை ஆகியவற்றில் இயக்கக் கூடாது. ரேடியேட்டர்கள், வெப்பம் வெளியேறும் இடங்கள் அருகே கணினியை வைத்திருக்கக்கூடாது.
இதை மடிக்கணினி என அழைத்தாலும் நம் தொடைகளின் மீது வைத்து இயக்குவது கூடாது. இதனால் வெப்பம் வெளியேறும் வழிகள் தடைபடும். நம் உடலையும் இந்த வெப்பம் தாக்கும். மெத்தைகள், துணிவிரிப்புகள் ஆகியவற்றின் மீது இவற்றை வைத்து இயக்குவதும் தவறு.
மடிக்கணினியில் வெப்பம் உருவாவதனைத் தடுக்க முடியாது. எனவே வெப்பம் எளிதில் விரைவாக வெளியேற்றப்படும் வழிகளை நாம் நம் பழக்கத்தின் மூலம் தடுக்காமல் இயங்க வேண்டும்.
மேலும் கூடுதல் துணை சாதனங்களைப் பயன்படுத்துவதன் மூலம் வெப்பத்தினை வெளியேற்றுவதனை விரைவுபடுத்தலாம். இந்த வழிகளை மேற்கொண்டால் வெப்பமானது கணினியின் மற்ற பாகங்களைத் தாக்குவதனைத் தடுக்கலாம்.

எதனால் மாரடைப்பு வருது?





உலகிலேயே அதிகமாக மனிதர்கள் இறப்பதற்கு முதல் காரணம் மாரடைப்பு, ஏழை, பணக்காரன், ஆண், பெண் என்ற வித்தியாசம் ஏதுமின்றி எல்லோரையும் தாக்குகிறது இந்த “ஆட்கொல்லி” இருதய நோய். மாரடைப்பு வருவதற்கு காரணங்கள்.

* அதிக ‘கொலஸ்ட்ரால்’ ரத்த தமனிகளில் கொழுப்புகள், ட்ரைகிளிசரைடுகள் அதிகமாக இருப்பது பரம்பரை, புகைபிடித்தல், அதிக இரத்த அழுத்தம் இன்றைய அவசர வாழ்க்கையில் ஏற்படும் மன இறுக்கம், நீரிழிவு நோய் போன்றவை.

* இருதய நோய்களை வருமுன் காப்பது நல்லது. இதில் முக்கிய பங்கு வகிப்பது உணவு. இருதய நோயை சமாளிக்க பல வழிகளில் முனைய வேண்டும்.

* சரியான உணவு, உடற்பயிற்சி, நோய் வந்தால் சரியான சிகிச்சை, வாழ்வுமுறைகளில் மாற்றம், மன நிலையில் அமைதி என்ற பல வழிகளில் இந்த நோயை சமாளிக்க வேண்டும்.

* ஆயுர்வேதத்தில் இருதய நோய்களுக்கு உன்னதமான மருந்துகள் உள்ளன. இம் மருந்துகளுடன், உணவுக்கட்டுப்பாடும் சேர்ந்தால் சிகிச்சை பலனளிக்கும். முதலில் உணவுமுறைகளைப் பார்ப்போம்.

* சாப்பிடும் உணவு எவ்வளவு கலோரிகள் என்பதை தெரிந்து கொள்ளுங்கள். வயதாக வயதாக, ஒரு மனிதனுக்கு ஒரு நாளைக்கு, 1500 கலோரிகள் போதுமானது. எல்லோரும் அறிந்தது உணவில் கொழுப்பை குறைப்பது நல்லது.

* வனஸ்பதி, வெண்ணெய் இவற்றை அறவே தவிர்க்கவும். சிறிதளவு உருக்கிய நெய் சேர்த்துக் கொள்ளலாம்.

* நார்ச்சத்தும், மாவுச்சத்தும் மிகுந்த கோதுமை, அரிசி, பீன்ஸ், ஒட்ஸ் மாவு, காய்கறி, பழங்கள் போன்ற உணவுகள் நல்லவை. சமையலில் ஆலிவ் எண்ணெய், தானிய எண்ணெய், கடலை எண்ணெய், நல்லெண்ணெய் இவற்றை மாற்றி மாற்றி உபயோகிக்கவும்.

* 4 பேர் உள்ள குடும்பத்திற்கு மாதம் 2 கிலோ எண்ணெய்க்கு மேல் உபயோகிக்க கூடாது. இல்லை, ஒரு ஆளுக்கு ஒரு நாளைக்கு ஒரு மேஜைக்கரண்டி எண்ணெய் போதுமானது.

* உணவில் கண்டிப்பாக உப்பைக் குறைக்கவும். 2400 மி.கி. உப்பு (சோடியம்) ஒரு நாளுக்கு போதுமானது. முடிந்தால் இந்த அளவையும் குறைக்கவும்.உடல் எடையை அதிகரிக்க விடாமல் பார்த்துக் கொள்ளுங்கள். ஓர் ‘வளையம்’ போல் வயிற்றை சுற்றி கொழுப்பு இருப்பவர்களுக்கு மாரடைப்பு வர வாய்ப்புகள் அதிகம். சுறுசுறுப்பாக இருங்கள்.

31 Jan 2012

Windows 7 Themes இலவசமாக பதிவிறக்கம் செய்ய



நீங்கள் பயன்படுத்தும் கணினியின் தீம்களை(Theme) பயன்படுத்தி விதவிதமான தோற்றத்தில் வடிவமைக்கலாம் என்பது யாவரும் அறிந்த ஒன்று.

Windows 7 உடன் வரும் தீம்கள் குறிப்பிட்ட அளவே காணப்படுகின்றன. இதனால் அந்த தீம்களை அடிக்கடி மாற்றி உங்களுக்கு சலித்திருக்கும். உங்கள் சலிப்பை போக்குவதற்காக Microsoft நிறுவனம் புதிய பல தீம்களை இலவசமாக தரவிறக்கும் வசதியை ஏற்படுத்தியுள்ளது.
கீழுள்ள இணைப்பில் அழுத்துவதன் மூலம் குறித்த தளத்திற்கு சென்று உங்களுக்கு விருப்பமான ஒன்றை தெரிவு செய்து Download என்ற இணைப்பை அழுத்துவதன் மூலம் கணினியில் சேமித்து பின் வழக்கமான முறையில் உங்கள் கணினியின் தோற்றத்தை மாற்றிக் கொள்ளலாம்.

மாணவர்களுக்கான Lenovo Classmate Laptop


மாணவர்களுக்கான கல்வியையும் மற்றும் பொழுதுபோக்கையும் தரவேண்டும் என்ற நோக்கில் அவர்களுக்கென்று தனியாக laptop மற்றும் Tablet-களை உருவாக்க வேண்டும் என்ற சிந்தனை ஏற்கனவே வந்துவிட்டது. மிகவும் பிரபலமான OLPC ஏற்கனவே குழந்தைகளுக்கு மலிவான விலையில் கணினிகளை அறிமுகப்படுத்தியது.

அந்த வரிசையில் இப்போது Lenovo நிறுவனம் மாணவர்களுக்காக multimode வசதி கொண்ட புதிய மலிவு விலை laptop-களை களமிறக்கும் முயற்சியில் தீவிரமாக ஈடுபட்டு வருகிறது.
கடந்த வாரம் நடைபெற்ற Los Vegas நுகர்வோர் கண்காட்சியில் Lenovo தனது கல்விக்கான கணினியை அறிமுகப்படுத்தியது. அது பலரையும் கவர்ந்தது. அந்த புதிய டிவைசின் பெயர் Classmate + PC ஆகும். இந்த புதிய Laptop பயன்படுத்துவதற்கு மிக எளிதாகவும்,  battery  நீண்ட நேர இயங்கும்  என்றும்  இதன் விலை மிகக் குறைவாக இருக்கும் என்றும் தெரிவிக்கின்றனர்.
இந்த classmate laptop பற்றி அதிகமான தகவல்கள் இன்னும் வெளிவரவில்லை. ஆனால் இதனுடைய முக்கிய சிறப்பு அம்சங்கள் கண்காட்சியில் தெரிவிக்கப்பட்டன. அதாவது இந்த classmate laptop-ன் CPU Intel N2600 Atom processor ஆகும்.  10.1 inch  ஆன்டி க்ளேர்தொடு வசதி திரை, இதில் HD வசதியும் உண்டு. 2GB DDR3 RAM, 320 GB Hard disk கொண்டுள்ளது. அதோடு 32ஜிபி கொண்ட ஒரு சாலிட் ஸ்டேட் ட்ரைவும் துணையாக உள்ளது. இதன் மெமரி குறைவாக இருந்தாலும் இதன் எஸ்எஸ்டி ட்ரைவ் வேகமாக இருக்கும். இதன் 6  செல் battery முழுமையாக சார்ஜ் செய்தால் அது 10 மணி நேர இயங்கு நேரத்தை கொடுக்கும்.

இணைப்பு வசதிகளுக்காக இந்த classmate laptop 3 USB ports, HDMI port மற்றும் இதன் கீபோர்டு தண்ணீர் தடுப்பு வசதி கொண்டது. அதனால் இதில் தண்ணீர் பட்டாலும் இது எளிதாக பாதிப்பு அடைவதில்லை. மேலும் இந்த laptop உறுதியான பேன்ல்களுடன் வருவதால் இது நீண்ட ஆயுளைக் கொண்டிருக்கிறது. இந்த லெனோவா classmate + PC  விரைவில் கல்வி நிலையங்களுக்கு வரும் என்று எதிர்பார்க்கப்படுகிறது.